Rezon ki fè mwen ekri

M pa ekri pou m di betiz

Men pou m dekri moun k ap di betiz

M pa ekri pou fè pèsonn plezi

Men tout moun ka pran plezi

Nan sa m ekri

M pa ekri pou m montre m pi bon

Men m toujou eseye di sa ki bon

Sa tout moun ka li e pran sa ki bon

M pa ekri pou foli

Men tout moun ki gen foli

Ka geri nan li sa m ekri

M pa ekri pou m bay manti

Men si w konn bay manti

W ap di sa m ekri se manti

M pa ekri pou fè wè

Men depi w gen je pou w wè

W ap wè m dekri sa w pa t ka wè

M pa ekri paske m konn ekri

Men paske ekri

Se mwayen pou m dekri

Dekri sa m konnen

Dekri sa m santi

Dekri sa m wè

Dekri sa m ta renmen

M fè k tanmen ekri

JDE