La plus grande revolution, selon Antoine Jethro

Se défaire de toute une vie est la plus grande révolution qui puisse exister, à mon avis bien sûr! Se révolter contre ses anciennes mœurs, ses anciennes pratiques et habitudes au regard d'une collectivité qui se fait juge, est parfois la plus grande et la plus dure des entreprises de l'homme. Pour ce faire, il fallait affronter les titans intérieurs, les orages de consciences rebelles et réticentes qui assombrissent l'arrivé de la nouvelle vie.

Il ne faut jamais avoir peur si on veut faire quelque chose pour soi-même dans la vie. On se transforme en fourvoyé aux regards moqueurs et égoïstes des autres. Il faut savoir déterminer ce qu'on veut réellement: rester soi-même en choisissant sa propre voie ou emprunter celle des autres par crainte d'être ridiculisé. Il faut apprendre à perdre ses amis pour tracer parfois sa propre voie; apprendre à déguster notre solitude quand tout le monde cherche un toison d'or qui n'est pas sur la carte de nos priorités.

La vie est trop courte, trop précaire, trop précieuse pour ne pas la vivre pour soi-même ou pour la regarder échouer comme une vieille barque en ne la vivant que pour les autres. Ce n'est pas de l'individualisme, mais de l'individualité, de l'affirmation et du surgissement de l'individu au sein d'une collectivité étouffante et exigeante. On doit vivre en communauté sans jamais perdre sa personnalité. Sinon, l'homme n'est qu'un grain de sable égaré au milieu de l'océan.

Moi, je veux assumer mon individualité sans jamais avoir honte et peur de l'opinion commune. Cette dernière qui parfois est une couronne de plomb sur la tête de l'oiseau, lui empêchant de prendre son envol pour visiter d'autres horizons. Et vous?

Antoine Jethro

Eske jalouzi se prèv yon vrè renmen?

Yo toujou di depi yon moun renmen w tout bon vre, lap fè jalouzi pou ou. Konsa, jalouzi ta sanble yon prèv ke menaj ou renmen w. Eske se vre?

Dabò, kisa jalouzi a ye? Gen de fason yo defini jalouzi.

1. Santiman ki fè yon moun regrèt sa yon lòt posede, tankou richès, siksè, laglwa. ..
2. Santiman ki fè yon moun pè pou moun li renmen an pa prefere yon lòt moun, oswa twonpe l ak moun sa.

Sijè nou an chita sou dezyèm nan.

Yon vrè renmen se rezilta konfyans. 
Konfyans se rezilta konesans. 
Konesans se rezilta dyalòg. 
Dapre François La Rochefoucauld (1613-1680) : La jalousie se nourrit dans les doutes et elle devient fureur, ou elle finit, sitôt qu'on passe du doute à la certitude.

Trè souvan, se mank konfyans ki fè yon moun fè jalouzi. Li toujou panse menaj li ka twonpe l. Se sak fè gen moun ki pa dakò menaj li soti san l pa konnen oswa al viv lwen. Kay nèg ki jalou se prizon pou madanm li. Li ta prefere met lemond anndan an poul pa soti.

Konsa tou, gen jalouzi ki byen fonde. Pa egzanp, eskew gade fim Proposition indécente lan, kote yon nèg rich lwe yon fanm nan men mari l pou 1 milyon dola. Misye te fin dakò men apre l te vle mouri. Dèfwa, gason an fè jalouzi lè l konnen zanmi menaj li se jilèt. Fi a ka fè l tou, lè l konnen fi ki anfas menaj li a ka pran l.

Gen anviwon 5 fason yon jalouzi ka manifeste:

1. Nan silans

Moun sa a jalou men li pap diw sa. Gen plizyè danje ak tip de jalouzi sa a. Premyeman, silans la konn fèl soufri jis li vin malad, lap megri e sil pa kapab ankò, li ka kraze relasyon an oswa fè mechanste. Pou evite dega sa yo, ou dwe chache konnen rezon silans sa a. Sinon, ou ka viktim lèw pa kwè.

2. Nan fè zen

Bon, lè yon fi kabrouya, tèktèk, cholin, epi l jalou, se tèt chaje. Zen ka met pye fasil. Se pa tout gason kap fè zen men li pi fasil pou fi a kite gason ki renmen zen ke gason an kite fi ki renmen zen. Rezon an senp: fi pa renmen gason kap fè jalou sòt. Gen gason tou ki pè fi zenyèz, yo lage cha depi jalouzi mete pye. Marcel Proust(1871-1922) te di: On trouve innocent de désirer et atroce que l'autre désire. Siw jalou paske yon lòt moun ap koutize menaj ou, gad pouw wè siw pa konn fèl tou. Pase m tap pase....

3. Kite detanzantan

Chak fwa gen yon sèn jalouzi, gen fache e fache souvan mennen kite. Men depi gen bon renmen, ap gen rekonsilyasyon. Konsa tou, sa konn serye epi relasyon kraze nèt.

4. Li ka rann resipwosite

Gen moun ki konn fè menaj li fè jalouzi pou l remèt kou, men se pa janm yon bon lide. Imajinew moun ou sèvi a te renmen w e menaj ou a te sispèk li avèw. Ebyen w tou montre sa l te panse a se verite. Answit, gen posiblite pou moun sa a pwofite fè w bagay ou ka regrèt aprè, sitou siw te fè yon jalouzi san rezon. Siw oblije remèt yon moun kou jalouzi, konnen w pi pa reflechi paske tout moun pa reyaji menm jan. Li tap pi bon pou w mete l atè tou dousman.

5. Nan mechanste

Wiliam Shakespeare, yon powèt e dramatij anglè (1564-1616) ki se otè youn nan pi gran èv literati inivèsèl, te di sou jalouzi: C'est un monstre engendré de lui-même, né de lui-même. Vrèman, jalouzi se yon santiman ki ka rann yon moun mechan paske menm jan gen moun kap tiye lòt pou sa l posede, gen menaj ki ka fè krim pou moun li renmen, men sa toujou fini mal paske nan oken ka, ou pa dwe tiye.

Dapre tout sa nou sot di la yo, èske jalouzi se prèv yon vrè renmen? Wi, paske souvan, moun ki jalou a pa ta renmen pèdi menaj li. Nan yon sans, jalouzi konn pwoteje relasyon an, si gen dyalòg.

Non, jalouzi pa yon prèv renmen si moun ki jalou a enfidèl. Pawòl la di: Pa fè moun saw pa ta renmen yo fèw.

Men kèk remèd pou moun ki jalou

1. Pa chache konnen siw vle viv anpè, 
2. Siw konnen, olyew fè zen ak mechanste, kite moun lan anrepo. Sil chanje, retounen. 
3. Pa diskite sou plas lè menaj ou fè w fè jalouzi. Tann yon okazyon byen chwazi pou w ka esplike l saw pa renmen 
4. Renmen ak moun ou konnen, chache konnen moun ou renmen.

Pawòl yo anpil, men lavi à senp!

JDE

Chak jou ka espesyal

Jodi a, ekri oubyen rele moun ou renmen anpil la pouw fè l konn sa oswa pou w raple l de sa, paske aprè lanmò ou pap kapab.

Mete rad ou santi ki fèw pi fre a, bagay pye kap fèw pi chèlbè a, paske nan sèkèy la, ou pral ak yon sèl.

Fè oswa achte manje ou pi renmen an, bwè ji ki pi gou nan bouch ou a paske chaje maladi ki bay bouch gou anmè.

Lonje men bay sila ki nan nesesite yo pandan w gen kòb la, pa kite sa pou demen paske gen byen w fè ki ka epanye kèk malè.

Chak jou ka espesyal pou ou
Sa depan de dispozisyon kèw

Kisa yon "masochiste" ak yon" sadique" ye?

Edikasyon seksyèl, Twazyèm tèks

"La Pédagogie de l'Amour" ke Père Jean Robin Gédéon, (Salésiens de Don Bosco) ekri, se youn nan ra liv ke mwen li swa nan lane 2003-2004 yo e ki ret kòm yon trezò nan bibliyotèk mwen. Tit liv la enteresan men sa ki ekri ladan yo pi enteresan toujou.

Nou plis konnen mo" pédagogie" nan domèn edikasyon, men sin fè yon tikout je sou definisyon mo a, nap konprann lide jeneral otè a travèsè nan liv sa.

"La Pédagogie est la manière de transmettre des connaissances à des élèves. C'est aussi la science qui étudie les méthodes de l'éducation et de la transmission du savoir".

Se kalite yon moun genyen poul transmèt konesans yon fason klè e efikas nan yon domèn kelkonk. Konsa, gen pedagoji ansyen, gen pedagoji modèn. Gen anpil reyalite nan lavi seksyèl ke moun pap janm konprann poutan yap viv li. Inyorans sa yo fè n viktim e menm pitit nou kontinye viktim. Ebyen, masochisme ak sadisme se de reyalite seksyèl ki enpotan pou tout moun ki aktif seksyèlman konnen.

Masochisme ak sadisme se de fason moun renmen ki pa nòmal.

Nan domèn epsikyat, mazochis la se yon moun ki bezwen pou yo maltrete l moralman oubyen fizikman pou l ka satisfè lè lap fè sèks. Nou plis wè sa nan fim pònografik yo kote fi a santil rejwi lè gason an ap britalize l e joure l. Père Jean Robin rapòte nan liv li a pawòl Pierre Daco ki di: le masochisme obtient la satisfaction sexuelle par la souffrance, les coups, la torture, les fouets, etc. Ou bien par les tortures mentales, comme les humiliations, le mépris, les injures, l'esclavage, etc."(Les prodigieuses victoires de la psychologie moderne, p399).

Vrè renmen an, selon Jean Robin, chase tout lide move tretman, paske move tretman an diminye diyite moun nan e devalorize relasyon seksyèl konjwen yo. Mazochis la ap chache moun ki ka fèl soufri menm, se sal bezwen. Wa imajine yon fanm mazochis ki marye ak yon gason ki pa sadik, se tèt chaje. Fanm sa renmen pou yo bat li, joure l, meprize l pou l ka satisfè nan fè lanmou. Gen koze! !!!!

Sadik la li menm, kontrèman ak mazochis la, pran plezi l nan fè moun lap viv avèl la soufri moralman oswa fizikman. Ebyen, anpil vyòl fèt paske gason an se yon sadik. Sa konn menm rive nan maryaj, madanm nan pa ka sipòte ak seksyèl la paske mari l brital. Gen mari tou ki nan gwo pwoblèm paske yo pa ka satisfè madanm yo ki mazochis.

Yon solisyon??????

Mwen pa gen yon konsèy jiskaprezan pou yon moun ki ta nan sitiyasyon sa a. Men gen sa ki rele "couple sado-masochiste" kote swa madanm nan se mazochis epi mesye a se yon sadik. De moun sa yo ap viv byen paske madanm nan antanke mazochis bezwen pou yo fèl soufri pandanke se tout plezi mari a antanke sadik poul fè madanm li soufri. Malerezman, ou pa ka marye sou baz seksyèl pou m ta diw chache konnen si moun ou renmen an mazo ou sado. Sa tap mandew al fè eksperyans alòske ka gen ansent, maladi e avòtman.

Petèt, konsèy sa yo ka itil pou ou evite sa e geri tèt ou: 
1. Pa gade fim pònografik paske li pa gen twòp leson lap aprann ou ke devalorize seksyalite a e enfliyanse vyolans seksyèl. 
2. Evite moun ki twò renmen fè sèks ak vyolans 
3. Achte liv ak dokimantè ki ka edew aprann kèk prensip natirèl pou gen yon bon vi seksyèl (kama sutra) men fòw marye avanw fè sa.

Inyorans se pwazon
Tèt di se krim

Vi a senp sin chache viv li jan Bondye mandel la.

JDE

Je l'ai vue

Je l'ai vue

Derrière cette barrière noire, cet apres-midi, je l'ai vue. Elle me paraissait innocente mais ce que j'ai vu l'a condamnée. Qui sait? Elle l'avait peut-être voulu.

Sous cette robe de Marie, elle portait un innocent, cette victime de nos insouciances face aux dérives des jeunes. Dans peu de jours, il viendra dans notre monde infernal pour payer le prix de nos crimes.

Je l'ai vue. Et sa misère, je l'ai vue aussi. J'ai vite senti sa tristesse qui était cachée derrière sa belle honte. Honte qui deviendra un jour le produit de sa destinée.

Elle ne peut pas avoir dix-huit ans, je parie. Bientôt, elle fera partie de nos femmes dont la mission est d'élever des enfants pour le développement de notre société malade. Elle sera une mère, une comme toutes les autres car elle endurera toutes les souffrances infligées à cause d'Ève.

Je l'ai vue. De mes propres yeux, je l'ai regardée avec pitié et j'ai vu la nécessité de continuer la lutte.

JDE

Eske distans ka kraze yon relasyon?

Eske distans ka kraze yon relasyon?

Mwen sonje yon fwa pandan m tap gade yon seri, mwen te vin renmen yon pèsonaj, yon fi wi silvouplè! Pandan tout tan m tap gade seri a, mwen tap imajine l jis mwen revel. Poutan, lè m vin rann mwen kont de lane seri a te soti, madmwazèl ta dwe gen doub laj mwen. Santiman an ale byen lwen menm lè se nan imajinasyon.

Se poum diw rapid ke distans pa ka kraze yon vrè relasyon kit santimantal kit amikal. Pi gwo pwoblèm anpil nan nou lè nap renmen nou pa reflechi ak sa ki ka rive. Dèfwa, nou renmen pou plezi, pou yo ka wè nou gen menaj. Epoutan, sa fini souvan mal. Lè konsa, olye nou blame tèt nou, nou di vrè lanmou pa egziste. Men èske w te fè yon vrè renmen? Kisa ki yon vrè renmen? Koman yo konstwi yon vrè renmen?

Mwen panse kesyon sa yo ka ede n pran konsyans sou fason nou konsevwa don sa a ke Bondye mete poun pataje. Distans menaj ou ka ede w plis ke l te prè w, men map pale ak moun ki renmen, se pa moun ki marye. Sa pa nan sijè nou pou jodi a. Banm baw kèk avantaj renmen long distans ka baw:

1. Tan pouw etidye 
2. Tan pouw egzamine relasyon an
3. Ou ka evite tonbe ansent 
4. Tan pouw prepare avniw 
5. Tan pouw valorize dyalòg

Men malgre tout konsèy sa yo, si moun ki deplase a pa fidèl, ou ka pran desepsyon. Wap sezi tande l marye, gen pitit e menm baw vag.

Yon moun ki ta nan sitiyasyon sa a pa dwe regrèt ni li pa dwe kondane menaj li paske lavi a se yon lekòl. Tout sa w wè ki rive se pou yon rezon. Pa blame tèt ou siw pa responsab. Pa rayi yon moun ki blesew siw toujou vivan. Se petèt mwayen sa a Bondye chwazi poul montrew vrè chemen an.

Ou menm ki gen menaj ki ret nan lòt peyi, reli tèks sa a epi gade pouw wè si w pa responsab sa kap rive nan relasyon w nan. Pa gen gwo ponyèt nan renmen. Se moun ki saj, dou, konpreyansif, pasyan ki ka fè yon relasyon dire.

Lavi a trè senp! Pa kite pretèks, ògèy ak rankin konplike l.

JDE

Ou gen yon objektif oubyen ou nan konkirans?

Ou gen yon objektif oubyen ou nan konkirans?

Rezo sosyal yo, sitou Facebook ak Whatsapp, gen gwo enfliyans sou anpil jèn, sitou sila yo ki pa gen konviksyon nan objektif yo gen. Nan mond nap viv la, anpil moun plis vle viv lavi lòt moun ke yo viv lavi pa yo. Kisa m vle di?

Yon objektif se yon bi yon moun vle atenn. Ou fikse yon metye, lavi familyal ou, sa w vle posede e janw vle viv li lè lannwit lavi kouvri egzistans ou. Objektif ou se plan paw, vizyon paw, reyalite paw, konsepsyon paw, rèv paw.

Ou pa oblije vin sa yon moun ye, byenke sa wap ye gen yon moun ki sa deja, men ou dwe santi l jis anndan kèw paske se la a konviksyon an kòmanse. Chwazi medsin, dwa, agwonòm, mizik, biznis, teoloji, dwe soti nan refleksyon w, imajinasyon w, angoumanw, vrè koz egzistans ou.

Chwazi yon metye paskew renmen l, paske lap itil ou, paskew ka fèl, paske l ap itil lòt moun. Daprè, aider est. ...Tout metye w aprann se pouw ka viv, or viv, nan sans sa a, depann angran pati de manje, bwè e abiye. Sa vle di wap bezwen kòb. Men se pa kòb la ki dwe motivew. Sinon, wap fè tout vye aksyon, wap aksepte tout kondisyon depi se pou w gen kòb. Se sak fè anpil moun antre nan koripsyon. Yo pa nwi de sa yap di sou yo, lesansyèl depi yo posede, lavi à bèl. Ou wè kaw si se lavi moun ou vle viv?

Moun kap egzijew la pap edew achte ni edew peye. Li pa konn doulè w ni kòmanw konsevwa lavi. Sèlman li bezwen wè w posede sesi. Men poukisa ou bezwen posede sesi? Pou w fè moun ki fèw egzijans la plezi oswa paske sal egzijew la.

Vi a pa konkirans, pa chache siksè pou fè wè ni pou fè abi. Janm te di deja, ki fyète yon moun rich si moun nan zòn li ap mouri grangou? Ki fyète yon moun save si zanmil ap mouri nan inyorans?

Fikse yon objektif, san lanbisyon pouw atire rega, men pou w itil. Pou m fini, men kèk finalite ki ka edew atenn objektif ou.
1. Mete konfyans ou nan Bondye 
2. Panse ak bonè w
3. Fè plan pou fwayew 
4. Panse ak bezwen fanmiw 
5. Panse ak zanmiw ki ka nan nesesite 
6. Toujou travay pou ede peyiw 
7. Viv pou w vin yon modèl pou tout moun ki admire w
8. Pa kite echèk, kritik fèw fè bak. Sa w ye jodi a, se pa sa wap ye demen.
9. Pa gen rankin pou pèsonn, 
10. Fè byen san atann anyen an retou.

Lavi a se yon lekòl, move élèv kap echwe!!!!

JDE